user | Государственный архив Гродненской области

Правядзенне ўрока для вучняў 9 класса у рамках акцыі «Архівы – школе»

user Навіны 29.03.202303.04.2023

29 сакавіка 2023 года ў рамках акцыі «Архівы-школе» установай «Дзяржаўны архіў Гродзенскай вобласці» для навучэнцаў 9 класа ДУА «Сярэдняя школа № 2 г. Гродна» быў праведзены ўрок на тэму «Рэха вайны». Увазе школьнікаў былі прадстаўлены дакументальныя матэрыялы, якія адлюстроўваюць дзейнасць акупацыйных улад на тэрыторыі Гродзеншчыны ў перыяд Вялікай Айчыннай вайны.

З цікавасцю дзеці слухалі і пра інтэрнэт-праекты, у якіх архіў прымаў удзел: «Лісты Перамогі», «Злачынствы нацыстаў і іх памагатых супраць мірнага насельніцтва СССР у гады Вялікай Айчыннай вайны 1941-1945 гг.»

Увазе навучэнцаў былі прадстаўлены выставы «Ішла вайна народная. Партызаны і падпольшчыкі Гродзеншчыны», «Лёсы людскія. Памяці ахвяр фашызму» а таксама зборнікі дакументаў і матэрыялаў, падрыхтаваныя пры ўдзеле Дзяржаўнага архіва Гродзенскай вобласці.

Супрацоўнікі архіва прадэманстравалі школьнікам працэс аднаўлення дакументаў у лабараторыі па рэстаўрацыі, вокладцы і рамонце, а таксама паказалі абсталяванне для аблічбоўкі дакументаў.

Адміністрацыйныя працэдуры

user Без рубрики 29.03.202325.09.2024

Ажыццяўленне адміністрацыйных працэдур

Аддзел інфармацыі, публікацыі і выкарыстання дакументаў установы “Дзяржаўны архіў Гродзенскай вобласці”

Чарняк Анастасія Міхайлаўна – загадчык аддзела

Хеладзе Святлана Аляксандраўна – архівіст 1 кв. катэгорыі

Адрас: 230005, г. Гродна, вул. Дзяржынскага, 84, каб. 1, тэл.: 8 (0152) 55-74-57

Графік прыёму грамадзян: Пн. 8.00-13.00, 14.00-20.00, Аў.-Пт. 8.00-13.00, 14.00-17.00

Згодна з пералікам адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджаным Указам Прэзідэнта Рэспублікі Беларусь ад 26 красавіка 2010 г. № 200 “Аб адміністрацыйных працэдурах, якія ажыццяўляюцца дзяржаўнымі органамі і іншымі арганізацыямі па заявах грамадзян”, архіў выконвае наступныя адміністрацыйныя працэдуры:

Найменне адміністрацыйнай працэдуры	Дзяржаўны орган (іншая арганізацыя), у які грамадзянін павінен звярнуцца	Дакументы і (або) звесткі, якія прадстаўляюцца грамадзянінам для ажыццяўлення адміністрацыйнай працэдуры	Памер платы, якая спаганяецца пры ажыццяўленні адміністрацыйнай працэдуры	Максімальны тэрмін ажыццяўлення адміністрацыйнай працэдуры	Тэрмін дзеяння даведкі, іншага дакумента (рашэння), якія выдаюцца (прымаюцца) пры ажыццяўленні адміністрацыйнай працэдуры
1	2	3	4	5	6
18.25. Выдача архіўнай даведкі (архіўнай копіі, архіўнай выпіскі, інфармацыйнага ліста) па запытах сацыяльна-прававога характару (складаецца на аснове архіўных дакументаў, якія не ўтрымліваюць звестак, якія адносяцца да асабістай таямніцы грамадзян):
18.25.1. якія тычацца маёмасных і спадчынных правоў грамадзян	дзяржаўная архіўная ўстанова, тэрытарыяльны (гарадскі або раённы) архіў мясцовага выканаўчага і распарадчага органа	заява дакумент, які пацвярджае ўнясенне платы	0,5 базавай велічыні – пры праглядзе дакументаў за перыяд да 3 гадоў 1 базавая велічыня – пры праглядзе дакументаў за перыяд звыш 3 гадоў	15 дзён з дня падачы заявы, а пры неабходнасці дадатковага вывучэння і праверкі – 1 месяц	бестэрмінова
18.25.2. не датычным маёмасны і спадчынных правоў грамадзян	дзяржаўная архіўная ўстанова, тэрытарыяльны (гарадскі або раённы) архіў мясцовага выканаўчага і распарадчага органа	заява	бясплатна	15 дзён з дня падачы заявы, а пры неабходнасці дадатковага вывучэння і праверкі – 1 месяц	бестэрмінова
18.26. Выдача архіўнай даведкі (архіўнай копіі, архіўнай выпіскі) па запытах сацыяльна-прававога характару, што тычацца архіўных дакументаў, якія змяшчаюць звесткі, якія адносяцца да асабістай таямніцы грамадзян	дзяржаўная архіўная ўстанова, тэрытарыяльны (гарадскі або раённы) архіў мясцовага выканаўчага і распарадчага органа	заява пашпарт ці іншы дакумент, які сведчыць асобу дакумент, які пацвярджае права атрымання ў спадчыну (пры выдачы пасля смерці грамадзяніна яго спадчыннікам)	бясплатна	15 дзён з дня падачы заявы, а пры неабходнасці дадатковага вывучэння і праверкі – 1 месяц	бестэрмінова

Звяртаем увагу, што ў заяве, якая падаецца фізічнай асобай у электроннай форме або нарачным (кур’ерам) або з дапамогай паштовай сувязі ў пісьмовай форме, падлягае ўказанню ідэнтыфікацыйны нумар такой фізічнай асобы (пры яе наяўнасці).

Плата за ажыццяўленне адміністрацыйнай працэдуры ажыццяўляецца праз сістэму” Разлік ” (АРІП) пасля атрымання кансультацыі спецыяліста.

Парадак абскарджання адміністрацыйных рашэнняў

У адпаведнасці з Законам Рэспублікі Беларусь ад 28 кастрычніка 2008 г. № 433-З “Аб асновах адміністрацыйных працэдур” рашэнні Дзяржаўнага архіва Гродзенскай вобласці, прынятыя ў выніку ажыццяўлення адміністрацыйных працэдур, могуць быць абскарджаны зацікаўленымі асобамі ў адміністрацыйным (пазасудовым) парадку ў вышэйстаячы орган – галоўнае ўпраўленне юстыцыі Гродзенскага аблвыканкама.

Абскарджанне адміністрацыйнага рашэння ў судовым парадку ажыццяўляецца пасля абскарджання такога рашэння ў адміністрацыйным (пазасудовым) парадку.

Ацаніць якасць ажыццяўлення архівам адміністрацыйных працэдур можна на Партале рэйтынгавай ацэнкі якасці аказання паслуг арганізацыямі Рэспублікі Беларусь

Правядзенне ўрока для вучняў у рамках акцыі «Архівы – школе»

user Навіны 29.03.202329.03.2023

28 сакавіка 2023 года ў рамках акцыі «Архівы-школе» установай «Дзяржаўны архіў Гродзенскай вобласці» для навучэнцаў 9 класа ДУА «Сярэдняя школа № 7 г. Гродна» быў праведзены ўрок на тэму «Роля архіваў у захаванні гістарычнай спадчыны».

Школьнікі пазнаёміліся з гісторыяй станаўлення і развіцця архіўнай справы ў Беларусі, атрымалі інфармацыю аб складзе і змесце дакументаў, якія захоўваюцца ў Дзяржаўным архіве Гродзенскай вобласці. Увазе навучэнцаў былі прадстаўлены найбольш цікавыя і каштоўныя дакументы, якія знаходзяцца на захоўванні ў архіве. Супрацоўнікі чытальнай залы прадэманстравалі зборнікі архіўных дакументаў, падрыхтаваныя пры ўдзеле дзяржаўнага архіва Гродзенскай вобласці.

У лабараторыі па рэстаўрацыі, вокладцы і рамонце дакументаў навучэнцы паназіралі за працэсам аднаўлення папяровых носьбітаў інфармацыі. Завяршыўся ўрок агляднай экскурсіяй па архівасховішчы, падчас якой школьнікам распавялі пра ўмовы і асаблівасці захоўвання дакументаў.

Аб архіве

user Без рубрики 28.03.202328.03.2023

У 1944 г. быў створаны Дзяржаўны архіў Беластоцкай вобласці.

У верасні 1944 г. у сувязі з перадачай большай часткі Беластоцкай вобласці Польшчы і ўтварэннем на тэрыторыі Беларускай Савецкай Сацыялістычнай Рэспублікі (БССР) Гродзенскай вобласці ён ператвораны ў Дзяржаўны архіў Гродзенскай вобласці, які ўваходзіў у сістэму Народнага камісарыята ўнутраных спраў (з сакавіка 1946 г. — Міністэрства ўнутраных спраў).

У 1960 г. архіў пераведзены ў падпарадкаванне архіўнага аддзела Гродзенскага аблвыканкама, а з 1995 г. – аддзела па архівах і справаводстве Гродзенскага аблвыканкама, з 2006 г. – упраўлення юстыцыі Гродзенскага аблвыканкама, з 2007 г. – Галоўнага ўпраўлення юстыцыі Гродзенскага аблвыканкама.

З чэрвеня 2001 г. архіў насіў назву «Навукова-метадычная ўстанова «Дзяржаўны архіў Гродзенскай вобласці». У ліпені 2012 г. архіў перайменаваны ва ўстанову «Дзяржаўны архіў Гродзенскай вобласці».

Правядзенне ўрока для вучняў у рамках акцыі «Архівы – школе»

user Навіны 28.03.202329.03.2023

28 сакавіка 2023 года ў рамках акцыі «Архівы-школе» установай «Дзяржаўны архіў Гродзенскай вобласці» для навучэнцаў 8 класа ДУА «Сярэдняя школа № 7 г. Гродна» быў праведзены ўрок на тэму «Трагедыя мірнага насельніцтва ў гады Вялікай Айчыннай вайны».

У ходзе ўрока школьнікаў пазнаёмілі з дакументамі камісіі па расследаванні і ўстанаўленні злачынстваў нямецка-фашысцкіх захопнікаў і нанесенай імі шкоды на тэрыторыі Гродзенскай вобласці. Гэтыя матэрыялы − важная крыніца, якіая раскрывае сутнасць, характар і наступствы акупацыйнага рэжыму. Таксама ўвазе навучэнцаў была прадстаўлена выстава «Лёсы людскія. Памяці ахвяр фашызму».

Навучэнцам былі паказаны карткі ваеннапалонных, якія знаходзіліся ў нямецкіх лагерах, медыцынскія пасведчанні грамадзян, адпраўленых на працу ў Германію, пасведчанні вязняў гета, анкеты рабочых, паведамленні аб прызыве на працу і многія іншыя дакументы.

Была праведзена аглядная экскурсія па архіве, падчас якой школьнікі наведалі архівасховішча, дзе пазнаёміліся з умовамі захоўвання дакументаў і ўбачылі асабліва каштоўныя архіўныя экзэмпляры, якія з’яўляюцца ўнікальнымі сведчаннямі гістарычнага мінулага Гродзеншчыны.

Правядзенне ўрока для вучняў у рамках акцыі «Архівы – школе»

user Навіны 27.03.202329.03.2023

27 лютага 2023 года ў рамках акцыі «Архівы – школе» установай «Дзяржаўны архіў Гродзенскай вобласці» для навучэнцаў 11 «В» класа ДУА «Сярэдняя школа № 2 г. Гродна» быў праведзены ўрок на тэму «Партызанская і падпольная барацьба на тэрыторыі Гродзеншчыны ў перыяд Вялікай Айчыннай вайны».

Супрацоўнікі архіва расказалі рабятам аб тым, як ва ўмовах жорсткага акупацыйнага рэжыму разгортвалася барацьба партызан і падпольшчыкаў.

Увазе навучэнцаў была прадстаўлена выстава дакументаў «Ішла вайна народная. Партызаны і падпольшчыкі Гродзеншчыны», якая экспануецца ў чытальнай зале ўстановы.

Работнікі чытальнай залы пазнаёмілі навучэнцаў з дакументальнымі матэрыяламі аб дзейнасці падпольных груп і партызанскіх брыгад, якія захоўваюцца ў архіве: загадамі штабаў партызанскіх брыгад, звесткамі аб праведзенай дыверсійнай рабоце, аб баявым і лікавым складзе партызанскіх атрадаў і брыгад, запіснымі кніжкамі, фатаграфіямі, успамінамі і лістамі ўдзельнікаў партызанскага і падпольнага антыфашысцкага руху.

Для школьнікаў была праведзена экскурсія па архівасховішчу. Вучні даведаліся аб умовах захоўвання дакументаў, убачылі найбольш каштоўныя і унікальныя дакументальныя матэрыялы, якія захоўваюцца ў архіве.

Кантакты

user Без рубрики 24.03.202324.03.2023

Адрас

вул. Дзяржынскага, 84, 230005, г. Гродна, Беларусь

Тэлефоны

Коды: міжнародны 375 152; па Беларусі 8 (0152) 55 74 58;
тэл/факс 55 74 53

E-mail

gagr@gagr.by

Дырэктар

Міклашэвіч Сяргей Іосіфавіч
Тэл: 8 (0152) 55 74 58

Рэжым працы

панядзелак − пятніца 8.00 − 17.00,
абед 13.00 − 14.00;

Чытальная зала

панядзелак − пятніца 8.00 − 17.00,
абед 13.00 − 14.00; апошняя пятніца месяца − санітарны дзень

Чытальная зала

user Без рубрики 23.03.202323.03.2023

Карыстальнікі дапускаюцца ў чытальную залу на падставе асабістых заяў. Карыстальнікі, якія вядуць навуковую працу ў адпаведнасці з планам навукова-даследчых работ навуковых устаноў, устаноў адукацыі і іншых устаноў або выконваюць службовае заданне, прадастаўляюць афіцыйныя лісты (адносіны) арганізацый, якія іх накіравалі.

У заявах або лістах указваюцца прозвішча, уласнае імя, імя па бацьку карыстальніка (калі такое маецца), адрас пражывання, адрас электроннай пошты (пры наяўнасці), тэма, мэта, храналагічныя рамкі даследавання. Заявы выкладаюцца на рускай або беларускай мовах.

Дазвол на працу ў чытальнай зале даецца кіраўніком архіва (яго намеснікам) на тэрмін не больш за адзін год з моманту рэгістрацыі заявы. Тэрмін працы можа быць прадоўжаны па заяве карыстальніка. У выпадку змены тэмы і храналагічных рамак даследавання карыстальнік афармляе новую заяву.

Адначасова для карыстання можа быць выдадзена 5 (пяць) вопісаў і не больш за 20 (дваццаць) спраў. Чарговы заказ на выдачу спраў прымаецца толькі пасля здачы спраў па папярэднім заказе.

Заказы на выдачу спраў, пададзеныя карыстальнікамі да 13.00, выконваюцца ў гэты ж дзень пасля 15.00. Заказы, пададзеныя пасля 13.00 – на наступны працоўны дзень.

Выдача спраў іншагароднім (замежным) карыстальнікам ажыццяўляецца на працягу гадзіны пасля афармлення заказу.

Справы або іх лічбавыя копіі выдаюцца ў чытальную залу тэрмінам на 1 (адзін) месяц, асабліва каштоўныя – 5 (пяці) рабочых дзён. Вопісы і іншыя архіўныя даведнікі выдаюцца карыстальніку на тэрмін да 5 рабочых дзён.

У выпадку адсутнасці карыстальніка на працягу 2 (двух) тыдняў падрыхтаваныя для яго матэрыялы вяртаюцца ў архівасховішча, асабліва каштоўныя – праз 5 рабочых дзён.

Выраб копій дакументаў

Па заказах карыстальнікаў у залежнасці ад тэхнічных магчымасцяў архіва і фізічнага стану дакументаў вырабляюцца копіі. Капіраванне архіўных дакументаў ажыццяўляецца па дазволу кіраўніцтва архіва на падставе пісьмовага заказу карыстальніка. Пры афармленні заказу абавязкова паказваюцца пошукавыя дадзеныя дакументаў. Капіраванне дакументаў па заказах карыстальнікаў ажыццяўляецца на платнай аснове ў адпаведнасці з дзеючым прэйскурантам архіва. Выраб копій ажыцяўляецца ў тэрмін да 10 працоўных дзён з моманту аплаты, калі аб’ём ксеракопій дакументаў ад замовы аднаго карыстальніка не перавышае 100 старонак, а аб’ём вырабу лічбавых копій дакументаў з ужываннем сканавальнага абсталявання не перавышае 50 старонак.

Капіраванне вопісаў, каталогаў, картатэк і іншых архіўных даведнікаў у поўным аб’ёме па заказах карыстальнікаў не вырабляецца.

Капіраванне архіўных дакументаў на папяровым носьбіце тэхнічнымі сродкамі карыстальнікаў, у тым ліку фотаапаратамі, тэлефонамі, планшэтнымі кампутарамі, не дазваляецца.

Рэжым працы чытальнай залы:

Панядзелак-Пятніца: 8.00-17.00, абед 13.00-14.00.

Апошняя пятніца кожнага месяца – санітарны дзень.

Субота, нядзеля: выходныя дні.

У дні дзяржаўных святаў чытальная зала не працуе, напярэдадні дзяржаўных святаў працоўны дзень чытальнай залы скарачаецца на 1 гадзіну працы.

Палажэнне аб парадку карыстання архіўнымі дакументамі ў чытальнай зале ўстановы «Дзяржаўны архіў Гродзенскай вобласці»

Гісторыя архіва

user Без рубрики 22.03.202323.03.2023

Сваю гісторыю Дзяржаўны архіў Гродзенскай вобласці адлічвае з кастрычніка 1944 года. Абласны архіў, як і многія архівы ў тыя гады, быў размешчаны ў будынку нямецкай кірхі ў цэнтральнай частцы горада Гродна па вуліцы Акадэмічная, 7а. архівасховішчы былі абсталяваны драўлянымі стэлажамі ў тры ярусы. Першы і другі паверхі двухпавярховай прыбудовы былі прыстасаваныя пад працоўныя пакоі.

У 1993 годзе архіў пераехаў у новы спецыялізаваны сяміпавярховы
будынак па вуліцы Дзяржынскага, 84. На пяці паверхах будынка размешчаны
архівасховішчы, на першым і другім – службовыя памяшканні, чытальная зала,
лабараторыя.

Згодна з першым пашпартам, складзеным у 1944 годзе, у архіве налічвалася 20 фондаў у колькасці 11000 спраў. Многія з іх паступілі ў архіў у выглядзе россыпі. Але ўжо да чэрвеня 1946 года, калі архіў перайшоў у падпарадкаванне архіўнага аддзела ўпраўлення МУС па Гродзенскай вобласці, налічвалася 55 фондаў і 18 500 адзінак захоўвання. На 01.01.2023 у архіве маецца на захоўванні 1743 фонды і каля 570000 адзінак захоўвання пачынаючы з 1919 года і па цяперашні час.

Найбольш раннія дакументы архіва даюць уяўленне аб першых органах Савецкай улады – рэвалюцыйных камітэтах. Архіў захоўвае каштоўныя дакументы па перыядзе ўваходжання Гродзеншчыны ў склад Польшчы. Менавіта гэтаму комплексу дакументаў нанесены непапраўны ўрон у перыяд Вялікай Айчыннай вайны. Тым не менш, дакументы, якія захаваліся за 1919-1939 гады, адлюстроўваюць сацыяльна-эканамічнае развіццё рэгіёну, народную гаспадарку, адукацыю, культуру, ахову здароўя да ўз’яднання Заходняй Беларусі з БССР.

Архіў захоўвае дакументы перыяду часовай нямецка-фашысцкай акупацыі –фонды ўстаноў, арганізацый, прадпрыемстваў, якія дзейнічалі на тэрыторыі Гродзеншчыны. Амаль усе дакументы на нямецкай мове. У фондах архіва маюцца трафейныя карткі ваеннапалонных, якія знаходзіліся ў нямецкіх лагерах, медыцынскія пасведчанні грамадзян, адпраўленых на працу ў Германію, пасведчанні вязняў гета, анкеты рабочых, паведамленні аб прызыве на працу, інфармацыі аб гета і інш.

Самы вялікі масіў дакументаў архіва – гэта дакументы савецкага перыяду. Асноўную частку фондаў архіва дадзенага перыяду складаюць фонды: органаў дзяржаўнай улады і кіравання; дзяржаўнага і народнага кантролю; юстыцыі, суда і пракуратуры; фінансавання і дзяржаўнага страхавання; планавання і статыстыкі; кіравання народнай гаспадаркай, прамысловых прадпрыемстваў; устаноў і арганізацый сельскай, лясной і воднай гаспадаркі; будаўніцтва і архітэктуры; камунальнай гаспадаркі, транспарту і сувязі; гандлю, грамадскага харчавання, збыту, нарыхтоўкі і кааперацыі; народнай адукацыі, навучальных устаноў; культуры, мастацтва, масавай інфармацыі; фізкультуры і спорту; аховы здароўя, прафсаюзных і іншых грамадскіх арганізацый.

Дакументы постсавецкага перыяду прадстаўлены ў фондах устаноў, арганізацый, прадпрыемстваў, створаных у 90-я гады ХХ стагоддзя – гэта падатковыя інспекцыі, камітэт па дзяржмаёмасці, сельскагаспадарчыя вытворчыя кааператывы, адкрытыя акцыянерныя таварыствы, таксама ўстановы, арганізацыі, прадпрыемствы, якія працягваюць сваю дзейнасць у цяперашні час.

У фондах асабістага паходжання сабраны дакументы аб жыцці і дзейнасці доктара гістарычных навук, прафесара Гродзенскага дзяржаўнага ўніверсітэта імя Янкі Купалы Я.М.Мараша; філосафа, члена-карэспандэнта Акадэміі Навук СССР, ураджэнца г. Гродна А. Макавельскага; пісьменніка Аляксея Карпюка, кандыдата гістарычных навук, прафесара Гродзенскага дзяржаўнага ўніверсітэта імя Янкі Купалы В.М. Чарапіцы, прафесара Гродзенскага дзяржаўнага медыцынскага інстытута В.Ч. Брэжскага і інш. Маюцца таксама асабістыя справы пісьменніка Янкі Брыля і паэткі Дануты Бічэль, якія працавалі ў чытальнай зале архіва ў 1958-1960 гадах.

Асаблівую цікавасць уяўляе асабісты фонд дырэктара дзяржархіва Гродзенскай вобласці, заслужанага дзеяча культуры БССР А.М.Пляшавені, які нязменна кіраваў архівам больш за 30 гадоў і ўнёс значны ўклад у развіццё архіва. Фонд прадстаўлены тэкстамі лекцый, артыкуламі, тэматычнымі падборкамі дакументаў і фотакопіямі, выяўленымі ў розных музеях і архівах Рэспублікі, сцэнарамі тэле- і радыёперадач з удзелам А.М. Пляшавені. Дапаўняюць фонд карты-схемы Карпацкай, Праснышскай, Лодзинскай і інш. баявых аперацый, карта адміністрацыйнага падзелу Польшчы 1938 года, дакументы 7-га міжнароднага кангрэса архівістаў у г. Маскве, у якім прымаў удзел Аляксандр Нікіціч.

У архіве маюцца і калекцыі дакументаў. Яны захоўваюць успаміны, лісты, фатаграфіі ўдзельнікаў рэвалюцыйнага, нацыянальна-вызваленчага, партызанскага і антыфашысцкага руху; дакументы па гісторыі беларускай пагранічнай акругі, малааб’ёмных калгасаў Бераставіцкага, Васілішкаўскага, Ваўкавыскага, Гродзенскага, Жалудоцкага, Зэльвенскага, Мастоўскага, Поразаўскага, Свіслацкага, Скідзельскага, Сапоцкінскага, Шчучынскага раёнаў Гродзенскай вобласці; матэрыялы па асабовым складзе ўстаноў, арганізацый і прадпрыемстваў за 1944-1962 гады і інш.

Сёння Дзяржаўны архіў Гродзенскай вобласці – гэта сучасная ўстанова, галоўнай задачай якой з’яўляецца захаванасць гістарычнай і культурнай спадчыны раёна, папулярызацыя дакументаў. У цяперашні час архіў мае пяць аддзелаў: аддзел забеспячэння захаванасці дакументаў і фондаў, аддзел інфармацыйна-пошукавых сістэм і аўтаматызаваных архіўных тэхналогій, аддзел інфармацыі, публікацыі і выкарыстання дакументаў, аддзел справаводства і фарміравання НАФ, аддзел навукова-тэхнічнай апрацоўкі дакументаў.

Сёння архіўны працэс забяспечваюць больш за 40 чалавек, а на момант стварэння архіва ўсяго 22. На рахунку архівістаў Дзяржаўнага архіва Гродзенскай вобласці тысячы выяўленых дакументаў, сотні напісаных артыкулаў, інфармацый, дзясяткі праведзеных выстаў, тэле – і радыёперадач. Дакументы архіва запатрабаваныя шырокім колам карыстальнікаў. У іх ліку: гісторыкі, філолагі, краязнаўцы, прадстаўнікі розных арганізацый і ўстаноў, даследчыкі з краін блізкага і далёкага замежжа: Польшчы, Літвы, Ізраіля, Канады, ЗША і інш.

Архіў ўдзельнічае і ў міжнародных праектах. У 1993-1994 гадах па фондах архіва на тэму, звязаную з гісторыяй яўрэйства ў перыяды I і II Сусветных войнаў, працавалі прадстаўнікі Інстытута памяці ахвяр Катастрофы і герояў супраціву «Яд Вашэм». У 2005 годзе на адкрыцці мемарыяла забітым яўрэям Еўропы ў г. Берліне архівам быў прадстаўлены спіс вязняў Карэліцкага гета.

У 2006 годзе архіў удзельнічаў у V Нацыянальнай філатэлістычнай выставе «Белфіла-2006», арганізаванай Міністэрствам сувязі і інфарматызацыі Рэспублікі Беларусь і Гродзенскім філіялам РУП «Белпошта», і прадставіў экспазіцыю па гісторыі абарачэння паштовай карэспандэнцыі на тэрыторыі Гродзеншчыны ў перыяд 1921-1939 гадоў. Прадстаўленая архівам калекцыя атрымала высокую ацэнку журы і была ўдастоена залатога медаля. У 2012-2013 гадах архівам была праведзена вялікая праца па сканаванні дакументаў і складанні баз дадзеных савецкіх ваеннапалонных у перыяд Вялікай Айчыннай вайны ў рамках міжнароднага праекта Саксонскія мемарыялы https://ru.stsg.de/cms/dokstelle/content/o-tsentre/tsentr-dokumentatsii.
У гэтым жа годзе дырэктар архіва Л.І. Юніна прыняла ўдзел у трохбаковай сустрэчы кіраўнікоў дзяржаўных архіўных службаў і ўстаноў Украіны, Расіі і Беларусі, якая праходзіла ў г. Ужгарадзе (Украіна). У 2015 годзе архіў прыняў удзел у прафесійнай сустрэчы архівістаў Беларусі, Расіі і Казахстана.

У апошнія гады архіў робіць пэўныя крокі ў галіне публікацыйную дзейнасці. Пра гэта сведчаць выдадзеныя зборнікі дакументаў «Гродзенская вобласць у дакументах і матэрыялах (1944-1995)» (2004), «Гродзеншчына напярэдадні і ў гады Вялікай Айчыннай вайны» (2005), «Аўгустоўскі канал i яго наваколле (па дакументах Дзяржаўнага архіва Гродзенскай вобласці)» (2011), «Гродзенская праваслаўная епархія (1921-1939): дакументы і матэрыялы» (2016), «Праваслаўная царква на тэрыторыі Гродзенскай вобласці (1944-1991 гг.). Дакументы і матэрыялы» (2020), «Гродзеншчына ў ліпені-верасні 1920 г.: улада і грамадства. Дакументы і матэрыялы» (2022) і даведнік «Дзяржаўны архіў Гродзенскай вобласці (1919-2000)» (2007).

ЗАПЫТЫ

user Без рубрики 17.03.202329.03.2023

Архіў арганізуе прыём і разгляд запытаў юрыдычных ці фізічных асоб. У запыце ўказваюцца поўнае найменне юрыдычнай асобы, прозвішча, імя ўласнае, імя па бацьку (калі такое маецца) фізічнай асобы, паштовы адрас, тэма (пытанне), храналагічныя і геаграфічныя рамкі запытаных звестак.

Дзяржаўны архіў Гродзенскай вобласці выконвае наступныя віды запытаў:

сацыяльна-прававога характару (запыт аб прадастаўленні архіўнай інфармацыі, звязаны з забеспячэннем законных правоў грамадзян): аб валоданні, карыстанні і распараджэнні нерухомай маёмасцю, яе набыцці і атрыманні ў спадчыну, аб скасаванні шлюбу, аб устанаўленні апекі, аб працоўным стажы, членстве ў калгасе і прадастаўленні сацыяльных водпускаў па догляду дзіцяці, аб узнагароджаннях і прысваеннях ганаровых званняў, аб выбранні на выбарныя пасады і інш.;

тэматычныя – запыты аб прадастаўленні інфармацыі па пэўнай праблеме, тэме, падзеі або факце;

біяграфічныя – запыты, па якіх устанаўліваюцца звесткі, неабходныя для вывучэння жыцця канкрэтнай асобы, удакладнення фактаў яе біяграфіі;

генеалагічныя – запыты аб архіўнай інфармацыі, з дапамогай якой можна ўсталяваць роднасныя сувязі двух або больш асоб.

Запыты тэматычнага, біяграфічнага і генеалагічнага характару выконваюцца ў парадку аказання архівам платных паслуг на дагаворнай аснове. Кошт выканання запытаў вызначаецца ў адпаведнасці з Прэйскурантам на работы (паслугі), якія выконваюцца ўстановай “Дзяржаўны архіў Гродзенскай вобласці”. Праца аплачваецца ў выпадку як станоўчага, так і адмоўнага выніку пошуку.

Тэрміны выканання запытаў складаюць:

сацыяльна-прававога характару – на працягу 15 каляндарных дзён з дня падачы заявы, а пры неабходнасці дадатковага вывучэння і праверкі – на працягу 1 месяца;

тэматычных, біяграфічных праверкі – на працягу 1 месяца;

генеалагічных запытаў праверкі – на працягу 3 месяцаў.

Пры неабходнасці правядзення пошуку па значнай колькасці архіўных дакументаў тэрмін выканання можа быць падоўжаны.

Па выніках разгляду запытаў архівам рыхтуюцца: архіўная даведка, архіўная копія, архіўная выпіска, інфармацыйны ліст.

Пісьмовыя і электронныя пытанні разглядаюцца супрацоўнікамі па меры іх паступлення, у парадку чаргі. У працэсе выкрыцця неабходных дадзеных архіваў можа накіроўваць ім паведамленне аб неабходных удакладненнях ён ці іншай інфармацыі.

Запісы актаў грамадзянскага стану (нараджэнне, смерць, заключэнне шлюбу, скасаванне шлюбу і інш.), складзеныя аддзеламі запісу актаў грамадзянскага стану мясцовых выканаўчых і распарадчых органаў горада Гродна і Гродзенскай абласці, за перыяд з 1945 года па цяперашні час знаходзіліся на захоўванні ў аддзеле па пытаннях справаводства, архівах, у тым ліку загса Галоўнага ўпраўлення юстыцыі Гродзенскага аблвыканкама па адрасе: г. Гродна, вул. Сацыялістычная, 35; тэл. 8 (0152) 61-00-47, 8 (0152) 55-90-88.

Часткова захаваныя метрычныя запісы аб нараджэнні, шлюбе, смерці, якія вяліся да 1944 года культавымі ўстановамі (касцёлы, цэрквы, сінагогі і іншыя) захоўваюцца ў дзяржаўнай ўстанове “Нацыянальны гістарычны архіў Беларусі ў г. Гродна”: г. Гродна, вул. Гаспадарчая, 21; тэл. 8 (0152) 60-83-92; электронная пошта: niab@niab-grodno.by.