15 сакавіка 2024 года ва ўстанове “Дзяржаўны архіў Гродзенскай вобласці” адбыўся сход калектыву, прымеркаваны да святкавання Дня Канстытуцыі. Намеснік дырэктара Н.А.Бекіш павіншавала калег з 30-годдзем прыняцця Канстытуцыі Рэспублікі Беларусь, адзначыўшы, што Канстытуцыя з’яўляецца трывалай прававой асновай дзяржаўнага суверэнітэту і незалежнасці. Супрацоўнікі архіва абмеркавалі гісторыю прыняцця Канстытуцыі, яе значнасць для грамадства і дзяржавы.
У ходзе мерапрыемства калектыву архіва быў прадэманстраваны фільм “30 гадоў Канстытуцыі Рэспублікі Беларусь”, падрыхтаваны Міністэрствам юстыцыі Рэспублікі Беларусь, а таксама віртуальная выстава “Канстытуцыя – вышэйшая юрыдычная сіла дзяржавы”, падрыхтаваная установай “Беларускі дзяржаўны архіў кінафотафонадакументаў” і размешчаная на YouTube-канале ўстановы.
У гэты дзень архіў наведалі навучэнцы Гродзенскага дзяржаўнага ўніверсітэта імя Янкі Купалы ў рамках праекта “Юны архівіст”. З рабятамi абмяркоўвалі ролю Канстытуцыі ў абароне правоў і свабод грамадзян, парадку і справядлівасці ў нашай краіне. Студэнтам таксама былі прадэманстраваны фільм “ 30 гадоў Канстытуцыі Рэспублікі Беларусь” і віртуальная выстава “Канстытуцыя – вышэйшая юрыдычная сіла дзяржавы”.
