23 лютага 2024 года ў рамках акцыі “Архівы – школе” установай “Дзяржаўны архіў Гродзенскай вобласці” для навучэнцаў 10 класа ДУА «Сярэдняя школа № 2 імя В.Ю.Саяпіна г. Гродна» быў праведзены ўрок на тэму “Партызанская і падпольная барацьба на тэрыторыі Гродзенскай вобласці ў перыяд Вялікай Айчыннай вайны”, прысвечаны да Дню абаронцы Айчыны.
Урок быў прысвечаны героям і удзельнікам Вялікай Айчыннай вайны. Навучэнцы пазнаёміліся з дакументамі партызанскіх і падпольных брыгад, якія дзейнічалі на тэрыторыі Гродзенскай вобласці ў гады нямецка-фашысцкай акупацыі: загадамі штабоў партызанскіх брыгад, часопісамі баявых дзеянняў, запіснымі кніжкамі, фатаграфіямі, а таксама успамінамі і лістамі ўдзельнікаў Вялікай Айчыннай вайны. Таксама школьнікам была прадстаўлена выстава дакументаў “Ішла вайна народная. Партызаны і падпольшчыкі Гродзеншчыны”. Навучэнцам был прадэманстраваны ролік сацыяльная рэкламы “Вайна. Дні і ночы не змаўкалі батарэі чатырох франтоў”, падрыхтаваны установай “Беларускі дзяржаўны архіў кінафотафонадакументаў”.
Супрацоўнікі лабараторыі па рэстаўрацыі, вокладцы і рамонце дакументаў прадэманстравалі навучэнцам працэс аднаўлення дакументаў, а таксама паказалі абсталяванне для аблічбоўкі дакументаў. Завяршыўся ўрок агляднай экскурсіяй па архівасховішчу.
