16 ліпеня калектыў Дзяржаўнага архіва Гродзенскай вобласці традыцыйна прыняў удзел у памятных мерапрыемствах, прысвечаных Дню вызвалення горада Гродна ад нямецка-фашысцкіх захопнікаў.

Падчас мітынгу “Вечны агонь памяці” супрацоўнікі архіва ўсклалі кветкі ля брацкай магілы савецкіх воінаў і партызан, якія загінулі ў гады Вялікай Айчыннай вайны, ушанавалі памяць тых, хто 80 гадоў таму праліў кроў і аддаў жыццё дзеля свабоды і мірнай, светлай будучыні нашага роднага горада Гродна і ўсяго Прынёманскага краю.