9 мая супрацоўнікі Дзяржаўнага архіва Гродзенскай вобласці сумесна з Гродзенскім абласным аб’яднаннем прафсаюзаў прынялі ўдзел ва ўрачыстым мітынгу “Нашчадкі Перамогі”

9 Мая – адно з самых урачыстых, самых родных і разам з тым сумных святаў. Гэта – Дзень памяці тых, хто высокай цаной змог падарыць нам мірнае неба над галавой. Супрацоўнікі Дзяржаўнага архіва Гродзенскай вобласці сумесна з Гродзенскім абласным аб’яднаннем прафсаюзаў прынялі ўдзел ва ўрачыстым мітынгу “Нашчадкі Перамогі”, які праходзіў на Савецкай плошчы. У гэты знамянальны дзень губернатар Гродзенскай вобласці Уладзімір Каранік павіншаваў гродзенцаў з Днём Вялікай Перамогі, падкрэсліўшы ў сваёй урачыстай прамове неабходнасць захаванасці і перадачы нашчадкам гістарычнай праўды і памяці аб гераічным подзвігу беларускага народа.